Lees 1 Tessalonisense 2:1-13; 17-20.

Wat merk jy op van Paulus se gesindheid, sy houding en sy gevoel teenoor die mense van Tessalonika?  Lees weer vers 9-11.  Wat sê hierdie woorde van Paulus vir jou?  

Paulus is selfversekerd en byna bietjie vol van homself!  Tog inspireer hy die mense rondom hom.  Daar is iets wat Paulus het gemaak het dat hy 'n inspirasie vir mense rondom was.  

'n Opregte, eerlike en diep liefde vir mense.  Lees weer vers 17-20.  

Wat is vir jou interessant in hierdie gedeelte?  Paulus voel dat sy werk vir Christus nie voltooi sal wees voordat die mense nie uit vrye wil geinspireer is om God te volg nie.

Vandag se "influencers" op sosiale media is vol van hulself.  Hulle tree so op dat ons hulle slaafs wil navolg, uit eie keuse.  Paulus is ook so, maar die verskil is dat hy nie vol van homself is nie, maar gevul met die Heilige Gees.  

Die Heilige Gees maak dat hy met selfvertroue kan uitgaan en lief wees vir die mense wat hom nie goedkeur, verwerp, vervolg of selfs haat.  

Paulus het die Goeie Nuus versprei en verkondig, maar daar was baie mense wat dit nie aanvaar het nie.  

Baie mense het nog steeds nie verander nie.  Paulus se invloed was nie as gevolg van wat hy geweet het, of gesê het of gedoen het nie, maar as gevolg van die Heilige Gees wat hom gevul het en hom 'n liefde laat uistraal het net soos Jesus.  

Jesus het ons eerste liefgehad, nog voor ons iets bereik het.  Net so, moet ons ook liefhê sonder om vas te kyk in die menslike foute en gebrokenheid.  Lees Markus 12:30-34.  Wat beteken dit vir jou om God met jou hele wese lief te hê?  Beteken dit ook dat ons vir ander moet liefhê?

Hoekom dink jy het God nie al die brandoffers van mense in die Ou Testament aanvaar nie?  Ons doen dalk dieselfde goeie werk, maar God soek jou hart en daarom moet jy jouself afvra of jy dit met die regte gesindheid doen.

Wie is daar in jou lewe wat jy tans sukkel om lief te hê?  Hoe hanteer jy julle in jou lewe?  Hoe dink jy kan jy anders met hul werk?  

Lees Hebreers 10:22-25.  Watter woorde staan vir jou uit in hierdie teks?  Hoe kan jy die Heilige Gees vra om jou hiermee te help?  

Die Bybel praat van 'n geestelike oorlog - dink jy nie ons kan hierdie oorlog teen mekaar ook op 'n geestelike vlak oorkom nie?  Dink aan maniere hoe jy mense rondom jou kan aanspoor/ aanmoedig/ inspireer tot liefde en dade met die manier waarop jy jouself handhaaf.

Ons lewe dikwels 'n vol lewe.  Ons probeer soveel klippe in 'n houer pak as wat ons kan en dink dan ons het 'n vol en gelukkige lewe gelei.  

Sonder die Heilige Gees wat daardie gaping van liefde in ons lewe kom vul het ons nog nie oorgeloop tot 'n geesvervulde, 'n heelhartige lewe nie.  

Sou jou baas tevrede wees as jy iets net halfhartig doen?  Sou jy 'n medalje kry as jy net halfpad die resies hardloop?  Moet ons nie ook in ons Christenskap en geloof 'n heelhartige benadering hê nie?

Hier is paar maniere waarop jy kan plek maak vir die Heilige Gees se liefde om jou te vul sodat jy 'n meer geesvervulde lewe lei as net 'n vol lewe.  Hierdie is maniere hoe jy 'n invloedryke persoon kan wees en 'n inspirasie vir mense sonder die prestasies wat ons dink ons moet doen.

1.  Kweek egtheid.  Wees jouself.  Mense word inspireer deur 'n opregtheid en eerlikheid.

2. Self-vergifnis.  Aanvaar dat jy nie perfek is nie en wees bewus van jou tekortkominge, maar wees lief vir jouself, vergewe jouself.

3. Veerkragtigheid.  Moenie lamgelê wees deur teenkanting of mense wat nie van jou hou nie.  Staan op, gaan aan en hou aan om lief te wees.  

Eddie the Eagle was 'n vrot skiër, maar hy wou graag aan die Olimpiese Spele deelneem.  Aangesien Brittanje in 1988 geen ski-springers gehad het nie, het hy besluit om daardie item te doen.  Hy was dus outomaties die land se beste.  Hy kom laaste, ver laaste op die Olimpiese Spele, maar hy inspireer ander omdat hy sy droom nagevolg het.  Sedertien is die reels verander by die Olimpiese Spele as gevolg van hom en het hy steeds die fakkel by latere Olimpiese Speles gedra.  Hy was 'n inspirasie omdat hy nie opgegee het nie, nie bang was vir wat die mense gaan sê nie.  Lees sy storie hier:  https://en.wikipedia.org/wiki/Eddie_the_Eagle

4. Dankbaarheid en Vreugde.  Tel jou seeninge, wees bly, geniet wat die Here vir jou gee.  Leef dit uit.

5. Neem risikos in geloof.  Wees soos Eddie the Eagle.  Lees 1 Joh 4:13-21.  Selfs al is jy bang, weet jy dat as jy dit uit liefde doen, Christus se liefde vir jou, sal Hy by jou wees.  

6. Balans tussen werk en speel.  'n Heelhartige persoon werk homself nie in die afgrond in nie.  Dit gee nie eer aan Christus nie.  Christus soek 'n vervulde persoon - dis die beste geskenk wat ons vir iemand rondom ons kan gee.  

7. Betekenisvolle diens.  Gebruik jou gawes en talente - eerder as om iets te doen omdat jy dit moet doen, doen iets omdat jy dit wil doen en kan doen. 

AMEN.

Verlede week het ons die sessie met die vraag geëindig...

Ons moet 2 goed verstaan sodat ons kan weet hoe ons aktief die keuse kan maak om daagliks onder die leiding van die Heilige Gees te lewe.

Lees 1 Korintiërs 12:12-19 & 27-31 saam deur.

Gesels oor die goed wat vir jou uit staan in hierdie teks gedeelte.

Kyk ook na die goed in die teks gedeelte waaroor jy dalk vrae het, en gesels daaroor.

(1 Kor 12:13) "13Omdat ons almal een liggaam geword het, is ons almal met die een Gees gedoop, of ons nou Jood of Griek is, slaaf of vry. Ons is almal van die een Gees deurdrenk."

Wat beteken dit?

Op Pinksterdag is die Heilige Gees eens en vir altyd aan die kerk gegee. 

Waarom? Sodat elke mens – deur alle eeue heen – wat tot geloof en bekering kom, onmiddellik, ten volle, in die volheid van die Heilige Gees deel kry.

Dít is die doop met die Heilige Gees. Dit behels die ontvangs van die Heilige Gees. 

En, wanneer gebeur dit? Eers 2 jaar nádat jy die Here leer ken het? 

Wanneer is dit? Die oomblik wanneer jy tot geloof en bekering kom. Die tyd van my geloof in die evangelie is óók die tyd van die doop met die Gees. Dán word jy die tempel van die Heilige Gees. Die inwoning van die Heilige Gees is werklik die deel van álle gelowiges.

Lees Romeine 8:9-11 saam deur.

Wat staan vir jou uit in hierdie teks gedeelte?

Ek is gedoop met die Heilige Gees. Dit beteken: Ek hét Hom werklik ontvang. Hy het mý ontvang. Ek is deurdronge van Hom.

Is jou ervaring dat jy deur die Heilige Gees gedoop is?

Dalk beséf ek dit nie regtig nie. Dalk leef ek nie daaruit nie. Dalk twyfel ek daaraan. Dalk leef ek ongehoorsaam. Dalk akkommodeer ek  allerlei onreinheid.?

Nee! Ek moet besef en ontdek en glo wat ek reeds het en ophou om in ongeloof te leef. Ek moenie sit en wag vir ‘n groot gebeurtenis totdat ek ook ‘n gawe ontvang nie. Begin leef uit wat jy ontvang hét! - Begin leef uit die leiding van die Heilige Gees!

Maar... Hoe doen ons dit?

Elke gelowige het reeds die volheid van die Heilige Gees ontvang. Met dit in gedagte, kyk saam na die 2de deel...

DOOP met Heilige Gees = Ontvang Hom in jou lewe.

VERVUL met Heilige Gees = Lééf doelbewus vanuit Sy volheid.

DOOP moet dus onderskei word van VERVUL. 

Waarom? Omdat die Bybel daarvan praat dat mense wat reeds kind van God is, dus gedoop is deur Heilige Gees, nie noodwendig vervul is nie.

Lees Efesiërs 5:18.

Kyk mooi na die beeld wat Paulus gebruik: “Moet julle nia aan drank te buite gaan nie...”  M.a.w. moenie onder drank se invloed kom nie, maar kom onder die invloed van die Heilige Gees. Dis ’n bevel en iets wat daagliks moet gebeur.

Hier word dus van ‘n ander aspek van die werk van die Heilige Gees gepraat: vervulling.

Wat sou dit kon beteken? Definitief nie iets wat net eenmalig plaasvind nie. Die werkwoord (Grieks) dui op 'n aanhoudende handeling. Dus: Paulus sê: “Laat julle voortdurend vervul...” 

Dit is ook duidelik ‘n opdrag wat aan die gelowige gegee word. 

Dit is die Gees wat dit doen, maar nogtans het die gelowige die verantwoordelikheid om nie die werk van die Gees te blokkeer nie. Gehoorsaamheid word gevra.

-Ek is 100% ‘n gelowige, ek is gedoop deur Gees, maar ek besit nie die Heilige Gees ten volle nie. Slegs gedeeltelik. 

-Ek het nie die volheid van die Gees nie. Daarom is my geestelike lewe so traag. 

-Daarom swig ek so maklik voor versoekings. 

Wat ek nodig het, is ek moet vervul word en dus vol raak van die Gees. 

Hier is 'n paar aksiestappe om te volg...

Vervul beteken egter nie “vol word” nie. Paulus praat met die gelowiges in Efese in wie se lewens die Heilige Gees rééds woon – omdat hulle die Here reeds ken (gedoop met Gees). 

Die Persoon van die Heilige Gees woon ten volle in hulle. Maar: Nogtans beveel Paulus hulle dat hulle vervul moet word met die Gees. Nou wat op aarde sou dit kon beteken? 

As dit nie beteken dat ék meer van die Géés moet kry nie, wat beteken dit dan?

Dit beteken: Die Gees moet meer van mý  in die hande kry! Die Persoon van die Heilige Gees woon ten volle in my, maar die vraag is: Hoeveel van my is onder Sý invloed? Hoeveel van my staan onder die Woord (want die Gees werk deur die Woord)? Hoeveel dinge akkommodeer ek in my lewe wat die werk van die Gees blokkeer en Hom bedroef? 

Wanneer ’n mens doelbewus ontslae raak van dinge in jou lewe wat die Gees bedroef en jy onderwerp jou aan die Woord en jy glo dat Jesus al jou sondes op Homself neem en aan jou die seën gee wat Hom toekom – dan leef jy onder die Gees se invloed.

Wat is die vervulling?  

Meer van die Gees kry? Nee... Hy moet meer van my kry!  

Hoe?  Eenmaal en klaar?  Nee: Daagliks. 

Hoe?  Deur myself weg te gee en myself doelbewus onder Sy beheer te plaas. 

En die gevolg?  Hy sál definitief Sy invloed begin uitoefen.

Lees weer 1 Korintiërs 12:27-31 saam deur.

Vra nou weer die vraag waarmee ons begin het...

Gesels nou met mekaar oor hoe ons daagliks hierdie keuse kan maak om onder die leiding van die Heilige Gees kan leef.

Lees Romeine 8:12-17 saam deur...

Ons is reeds deur die Heilige Gees gedoop.

Ons moet daagliks by die Here uitkom om vervul te word met die Heilige Gees.

Kom ons leef deur die leiding van die Heilige Gees.

Bid saam.

Paulus skryf in hoofstuk 7 oor sy stryd met sy vlees, hoe hy een ding wil, maar 'n ander ding dan doen. Hy sit bedroef in hierdie dilemma. Hy kry dan 'n weg uit in Christus en dit is waar ons hom hier kry in Romeine 8.

Lees nou Romeine 8:1-17

Wat staan vir jou uit?

Lees nou vers 1-4 bietjie meer aandagtig deur en vra jouself wat is die kern hiervan?

Wat sien jy raak van die mens en wat sien jy raak van Jesus?

Watter rol speel die Heilige Gees?

In die eerste paar verse sien ons gou raak dat daar n wet van die Gees is wat verbonde is aan Christus.

Daar is dan ook n wet van die sonde, iets waarvan ons gered is. Ons sien ook dit wat die mens nie kon doen, die Wet onderhou nie, maar Jesus het dit gedoen. Hy was vlekkeloos en perfek.

Jesus was die perfekte offer vir my en jou.

Lees weer vers 5-8

Wat staan vir jou uit in hierdie verse?

Wat is die verskil tussen 'n lewe onder sonde en 'n lewe onder die Gees?

As ons na vers 5-8 kyk kan ons duidelik sien dat die wet van die Gees lei tot lewe en vrede. Die wet van ons sondige natuur lei na die dood.

In die grieks word die woord dood gebruik as iets wat klaar is en besig is om te gebeur.

Met ander woorde om onder die natuur van jou sondige aard te bly lewe beteken ons is dood, geestelik so, en dat dit ons tot die dood ly.

Die lewe en vrede wat 'n lewe onderleiding van die Gees ontvang is nie vrede in eensaamheid nie, maar selfs vrede in die middel van 'n storm. 

Watter een volg jy tans in jou gedagtes - vlees of die Gees?

Henry Ford maak 'n baie belangerike punt hier.

As ons nie gaan glo in dit wat Jesus vir ons aan die kruis gedoen het nie en waarvoor Hy die Gees van waarheid vir ons agter gelaat het nie gaan ons nie instaat te wees om te doen dit wat reg is nie.  

Ons moet ons denke rig op God, ons moet glo wie ons is in Christus. Dit is al hoe ons dit kan begin lewe en 'n getuie wees van Christus.

As ons gaan kyk na die prentjie hier bo en in ag neem die fokus van die persoon wat tussen deer die bome weef kan ons n nuwe perspektief kry van hoe om oor ons lewe te dink en waar om te fokus. As hy deer die bome jaag kyk hy nie na die bome nie, hy kyk juis daar waar daar nie bome is nie. Ons moet die pad dop hou wat ons wil volg.

Lees nou vers 9-11

Wat staan vir jou uit oor die Gees?

Ons kan sien in die gedeelte dat die gees as waarborg dien tot ons wat kinders van God is en aan Jesus behoort.

Die Gees gee vir ons lewe, nou vir ons gees, maar ook weer aan ons liggame met Christus se wederkoms.

Wat staan vir jou nog uit in hierdie teks gedeelte?

Lees nou vers 12-17 met dit wat jy geleer het uit die vorige gedeelte in gedagte. 

Wat is ons elkeen se verpligting as kind van God tans?

Ons verpligting is nou teenoor God, ons is nie meer verplig om te doen dit wat verkeerd is nie.

Ons is onder die verpligting nie omdat God iets van ons wil wegneem nie, maar omdat hy vir ons iets wil gee.

Die lewe en so in oorvloed.

As ons dan nou kinders van God is wat beteken dit?

As kinders deel ons iets met ons hemelse Vader.

Daar moet nou iets van ons wees wat soos Hy lyk. Dus kom ons by die plek uit waar ons soos Romeine 12:1-2 ons denke vernuwe om meer van God te weerspieël.

In die proses gaan daar wel opstand en lyding wees. In dit sal ons steeds vrede kan vind in die Gees, maar ook 'n veel groter heerlikheid saam Jesus met sy wederkoms.

Bid saam

Lees die volgende teks gedeelte - wat is die kern temas wat vir jou uitstaan?

 Wanneer jy die woorde lees; "as julle my lief het sal julle my opdragte uitvoer?"

Wat hoor jy? Hoe verstaan jy dit?

As klink soos 'n voorwaarde- en dit is! Ons elkeen het al dinge met jou eie krag aangepak. Laas week het ons gekyk na die voorbeeld om die regte spier te gebuik. Verkeerde aanwending van 'n spier ly na beserings. Die voorspraak behels die teenwoordigheid van die Heilige Gees in ons lewens.

Wanneer jy vers 17 lees wat verstaan jy onder die Gees van die waarheid?

 Daar is 'n groot stuk sekuriteit wanneer iemand in persoon teenwoordigheid is by jou. Hierdie gee self vertoue en versterking vir die taak wat op hande lê. Ons grootste taak soos wat ons laas week gekyk het is om 'n getuie te wees.

Jesus weet dit en bevestig dit met Sy dissipels dat daar altyd 'n Goddelike versterking by ons sal wees.

As jy dink aan die effek van die Heilige Gees op elkeen van ons as gelowiges - hoe sou jy dit vir iemand verduidelik?

Kan jy dink aan voorbeelde in die Bybel waar die Gees van God onttrek het van die individu? Wat was die effek?

Sonder die leiding van die Heilige Gees is ons weerloos - kort ons leiding in die waarheid. Hoe kan ek en jy ons koppeling met die Heilige Gees versterk?

 Een van die groot vrese van kinders is om alleen iewers te wees.

In 'n senario waar jy alles, broos en sonder ondersteuning jouself bevind-

Ons is immers nie weeskinders nie, want in Genesis 17:7 leer ons dat God 'n verbonds God is van geslag tot geslag. 

Wat beteken dit vir jou dat jy 'n verbondskind is?

Hoe help dit jou om nog meer in die waarheid van God te bly onderleiding van die Gees van die waarheid?

 Lees weer vers 21

Wat leer jy daaruit?

Hoe meer gehoorsaam ons is aan God se gebooie, hoe meer openbaar Hy Homself aan ons elkeen. Wat beteken dit vir jou?

Wat is die verskil tussen 'n kop besluit en 'n hart belsuit?

Ter harte neem behels 'n totale omvang van jou mens-wees! 

Ter harte behels om dit te ervaar en te leef. Dit behels om met jou hele mens wees dit uit te leef!

Die Gees van die waarheid - kragtig in alle gelowiges se lewe. Dis die Gees wat ons begelei om getuies te wees vir die Here. Ons moet mekaar telke male herinner ons kan nie uit ons eie krag getuies wees nie. Slegs onder leiding van die Helige Gees.

Hoe maak jy elke dag die aktiewe keuese om onder leiding van die Heilige Gees te lewe?

Die Gees van die waarheid gee vrede- 

Mag jy opnuut besef Jesus het vir ons die Heilige Gees gegee

Mag jy opnuut vanuit die Gees van waarheid lewe

Mag jy opnuut die vrede wat alle verstand te bowe gaan ervaar en daaruit leef

Bid saam