Lees die volgende teks gedeelte - wat is die kern temas wat vir jou uitstaan?

 Wanneer jy die woorde lees; "as julle my lief het sal julle my opdragte uitvoer?"

Wat hoor jy? Hoe verstaan jy dit?

As klink soos 'n voorwaarde- en dit is! Ons elkeen het al dinge met jou eie krag aangepak. Laas week het ons gekyk na die voorbeeld om die regte spier te gebuik. Verkeerde aanwending van 'n spier ly na beserings. Die voorspraak behels die teenwoordigheid van die Heilige Gees in ons lewens.

Wanneer jy vers 17 lees wat verstaan jy onder die Gees van die waarheid?

 Daar is 'n groot stuk sekuriteit wanneer iemand in persoon teenwoordigheid is by jou. Hierdie gee self vertoue en versterking vir die taak wat op hande lê. Ons grootste taak soos wat ons laas week gekyk het is om 'n getuie te wees.

Jesus weet dit en bevestig dit met Sy dissipels dat daar altyd 'n Goddelike versterking by ons sal wees.

As jy dink aan die effek van die Heilige Gees op elkeen van ons as gelowiges - hoe sou jy dit vir iemand verduidelik?

Kan jy dink aan voorbeelde in die Bybel waar die Gees van God onttrek het van die individu? Wat was die effek?

Sonder die leiding van die Heilige Gees is ons weerloos - kort ons leiding in die waarheid. Hoe kan ek en jy ons koppeling met die Heilige Gees versterk?

 Een van die groot vrese van kinders is om alleen iewers te wees.

In 'n senario waar jy alles, broos en sonder ondersteuning jouself bevind-

Ons is immers nie weeskinders nie, want in Genesis 17:7 leer ons dat God 'n verbonds God is van geslag tot geslag. 

Wat beteken dit vir jou dat jy 'n verbondskind is?

Hoe help dit jou om nog meer in die waarheid van God te bly onderleiding van die Gees van die waarheid?

 Lees weer vers 21

Wat leer jy daaruit?

Hoe meer gehoorsaam ons is aan God se gebooie, hoe meer openbaar Hy Homself aan ons elkeen. Wat beteken dit vir jou?

Wat is die verskil tussen 'n kop besluit en 'n hart belsuit?

Ter harte neem behels 'n totale omvang van jou mens-wees! 

Ter harte behels om dit te ervaar en te leef. Dit behels om met jou hele mens wees dit uit te leef!

Die Gees van die waarheid - kragtig in alle gelowiges se lewe. Dis die Gees wat ons begelei om getuies te wees vir die Here. Ons moet mekaar telke male herinner ons kan nie uit ons eie krag getuies wees nie. Slegs onder leiding van die Helige Gees.

Hoe maak jy elke dag die aktiewe keuese om onder leiding van die Heilige Gees te lewe?

Die Gees van die waarheid gee vrede- 

Mag jy opnuut besef Jesus het vir ons die Heilige Gees gegee

Mag jy opnuut vanuit die Gees van waarheid lewe

Mag jy opnuut die vrede wat alle verstand te bowe gaan ervaar en daaruit leef

Bid saam

Vandag begin ons storie met 2 mans wat stap na 'n klein dorpie van Emmaus, 12 km van Jerusalem af.

Hulle was volgelinge van Jesus, maar hulle is hartseer, deurmekaar, mismoedig en teleurgesteld. Hulle het verwag dat die Messias hulle sou verlos van die Romeinse mag, maar hulle het gesien hoe Hy gesterf het, en nou vertel die vroue dat die graf leeg is?

Terwyl hulle stap gesels hulle oor die dinge wat die afgelope paar dae in Jerusalem gebeur het.

Hulle gesels oor Jesus wat gesterf het, en oor die vroue wat met die reuk olie Jesus se liggaam wou balsem die Sondag oggend vroeg, maar hulle het kom vertel dat die groot klip voor die graf weg gerol was, en dat Jesus se liggaam weg is!

Lees Lukas 24:13-35 saam deur...

Wat staan vir jou uit in Lukas 24:13-17?

Dink bietjie aan hoe hierdie 2 mans moes voel. 

Hulle was bang, omdat hulle 'n paar dae terug hulle leier sien sterf het.

Hulle was hartseer omdat hulle 'n vriend en 'n broer sien swaarkry en sterf, en hulle weet dat Hy dit gladnie verdien het nie...

Hulle het geweet dat Jesus die Messias is, maar hulle verwagting dat Hy die Romeinse mag sou oorwin het nooit gebeur nie.

En Vers 17 laat dit duidelik klink dat dit 'n emosionele en ernstige gesprek was.

Hulle het geredeneer oor dinge wat hulle gesien het maar nie verstaan het nie...

En, hierdie emosies het hulle blind gemaak, sodat hulle nie vir Jesus herken het nie. 

Ons vind onsself ook baie op 'n plek waar ons emosies ons blind maak teenoor Jesus.

Ons plaas soveel van ons waarhede op wat en hoe ons daaroor voel, dat ons dit baie met ons geloof in Jesus doen.

+Ons wil altyd goed voel, of geliefd voel, of gelukkig voel, dan voel ons of ons naby Jesus is, en dan glo ons maklik...

-Maar sodra ons sleg voel, of ons nie geliefd voel nie, of hartseer is, of wanneer ons ver van Jesus af voel, dan gaan dit maar swaar met ons geloof in Jesus...

Ons emosies en gevoelings is belangrik, maar ons kan nie ons geloof op gevoel of emosies baseer nie...

HOE VERBLIND ONS EMOSIES OF ONS GEVOELINGS ONS TEEN ONS GELOOF IN JESUS?

Wat gaan ander mense dink as ek sê ek glo dat iemand uit die dood uit op gestaan het, en vir my sonde gesterf het, maar dat Hy nou weer lewe?

Wat gaan mense sê as ek sê ek glo in iets wat ek nie kan sien nie...?

Ons moet ons geloof in Jesus op FEITE baseer.

Hy het Homself regtig aan ons geopenbaar deur Sy Woord, en deur hoe Hy ons harte kom verander het. 

Dit is FEITE, nie gevoel of emosie nie.

Dat Jesus gesterf het en weer of gestaan het is nie net waar wanneer ons goed voel nie..

Jesus se sterf en opstanding is waar, maak nie saak hoe ons voel nie.

Net soos hierdie 2 manne verblind was deur hulle emosies oor alles wat gebeur het, 

en oor hulle verwagting wat nou in teleurstelling in verander het, So word ek en jy verblind teen die waarheid oor Jesus wanneer ons ons geloof op ons gevoelings baseer...

Wat staan vir jou uit in Lukas 24:18-24?

Al het hulle saam met Jesus gestap, alles gesien wat Hy gedoen het en alles gehoor wat Jesus hulle geleer het, was hulle omstandighede so dat hulle nie kon insien hoe Jesus nou saam met hulle stap nie...

Dit is duidelik dat alles wat die afgelop paar dae gebeur het so erg was dat hulle nie vir Jesus herken het wat hier by hulle staan nie.

Hulle omstandighede het bepaal wie Jesus vir hulle was.

Die ongelooflike ongeregtigheid van Jesus se dood aan die kruis maak dat Hulle nie die oorwinning van die kruis sien nie.

Hulle verskriklike ervaaring van Jesus wat aan die kruis gesterf het maak dit vir hulle onmoontlik om vir Jesus hier reg voor hulle te sien.

Ons vind onsself baie in hierdie verleentheid.

Ons omstandighede bepaal baie hoe ons vir Jesus in ons lewens sien.

Wanneer dit goed gaan, dan sien ons Jesus nie, of minder.

Wanneer dit sleg gaan, dan gee ons vir Jesus die skuld.

Laat ek en jy soms toe dat ons omstandighede ons verstaan van wie Jesus is en wat Hy vir ons gedoen het nie raak sien nie?

Wat staan vir jou uit in Lukas 24:24-27?

Hulle kon nie regtig glo dat iemand uit die dood uit kon opstaan nie. Hulle het nog nie so iets gesien nie, so dit was moeilik vir hulle om dit te glo.

Dit is vir ons maklik om te glo, want ons hoor al jare daarvan, dat Jesus uit die dood uit opgestaan het, maar vir hulle was dit nuut.

Hulle het gehoor as Jesus praat oor dat Hy uit die dood uit gaan opstaan, maar hulle ongeloof het hulle verhinder om te sien dat Jesus wel opgestaan het.

Hulle het nie die dinge wat in die ou Testament oor Jesus geskryf was geglo nie...

So Jesus begin om die Skrif vir hulle uit te lê...

Ons sukkel soms om vir Jesus raak te sien in ons lewens oor ons ongelowig is...

Ons kan nie glo dat iemand vir my so lief is dat Hy Sy lewe vir my sou gee nie.

Ons kan soms nie glo nie want ek is te ver weg, te diep in die gat...

Ons kan nie glo dat die Koning van die heelal 'n persoonlike verhouding met my wil hê nie...

Ons glo dalk dat Jesus uit die dood uit opgestaan het,

maar glo ons dat Hy by ons is deur Sy Heilige Gees?

Glo ons dat Hy vandag kragtig deur ons kan werk?

Glo ons in wonderwerke?

Wat kan Jesus deur ons lewens verrig as ons maar net glo?

Maar, in hulle ongeloof en in hulle blindheid het Jesus hulle die waarheid laat sien.

Hy het Homself aan hulle geopenbaar!

Maar hoe kan ek seker wees dat Hy wel opgestaan het en dat Hy lewe?

- Jesus het Sy opstanding voorspel...

MATTEUS 16:21

21Van toe af het Jesus dit vir sy dissipels duidelik begin stel dat Hy Jerusalem toe moet gaan en baie moet ly onder die familiehoofde, die priesterhoofde en die skrifgeleerdes, en dat Hy doodgemaak moet word, en die derde dag uit die dood opgewek moet word.

- Die OT het dit belowe...

Psalm 16:10

10U gee my nie oor aan die dood nie.

U laat u troue dienaar nie in die graf kom nie.

HANDELINGE 2:25-31

25Van Hom sê Dawid:

“Ek het die Here altyd voor oë.

Hy is aan my regterhand; ek sal nie wankel nie.

26Daarom is my hart bly en my tong jubel,

ja meer, ek het die verwagting dat my liggaam sal lewe,

27want U sal my nie aan die doderyk oorlaat nie;

U sal nie toelaat dat u troue dienaar vergaan nie.

28U het my die paaie van die lewe geleer;

u teenwoordigheid sal my met vreugde vul. 

29“Broers, wat ons voorvader Dawid betref, moet ek dit vir julle duidelik stel: Hy het gesterwe en is begrawe, en sy graf is nou nog hier by ons. 30Maar hy was 'n profeet en hy het geweet dat God met 'n eed aan hom belowe het dat een van sy nakomelinge op sy troon sou sit. 31Daarom het hy die opstanding van die Christus vooruit gesien en gesê:

“Hy is nie aan die doderyk oorgelaat nie,

en sy liggaam het nie vergaan nie.

- Die graf was leeg, en as iemand Jesus se disipels stil wou hou oor Sy opstanding, moes iemand iewers Jesus se liggaam wat dood is na vore bring, maar hulle kon nie.

-Baie mense was ooggetuies van die opgestane Jesus...

1 Kor 15:3-8

3Die belangrikste wat ek aan julle oorgelewer het en wat ek ook ontvang het, is dit: Christus het vir ons sondes gesterf, volgens die Skrifte; 4Hy is begrawe en op die derde dag opgewek, volgens die Skrifte. 5Hy het aan Sefas verskyn, daarna aan die twaalf, 6en daarna aan meer as vyf honderd broers tegelyk, van wie sommige al dood is maar die meeste nou nog lewe. 7Daarna het Hy aan Jakobus verskyn en toe aan al die apostels. 8Heel laaste het Hy ook aan my, die ontydig geborene, verskyn

- Die disipels se lewens getuig van Jesus se opstanding.

Eers was hulle so bang dat hulle Jesus ontken het, en toe het hulle nie 'n vrees vir enige iemand of enige iets nie, selfs nie eens vir die dood nie, en ons sien dit in hoe elkeen van hulle gesterf het...

- Persoonlike ervaarings

Vandag hoor ons so baie stories en het dalk self al die krag van Jesus in ons en ander mense se lewens beleef.

Mense wat nog nooit van Jesus gehoor het nie, maar wat Sy waarheid in 'n droom ontvang het, of mense wat Jesus se genade beleef, of mense wat sien hoe Hy ander mense se lewens verander, of mense self wat beleef hoe Jesus se liefde en genade hulle eie lewens verander.

JESUS HET OPGESTAAN!!!

Mag ons nooit toelaat dat ons emosies, of ons omstandighede, of ons ongeloof ons blind maak teenoor die waarheid van Jesus nie.

Mag ons met oop oë na Jesus kyk, wat opgestaan het uit die dood, en mag ons toelaat dat Hy ons lewens en ons harte kom verander.

Bid saam...

Lees Handelinge 1:1-8

Wat is die kern van die teks gedeelte veral as jy dink aan die vraag wat die dissipels aan Jesus rig in vers 6?

Wanneer jy dink aan die dissipels en hulle wandel met Jesus kom die vraag op 'n tyd waar Jesus sy finale totsiens sê. Jesus bring hulle dan terug na hulle kern aksie waarmee hul, hulself moet besig hou. Om te getuig oor Jesus en die evangelie wat lewe gee. Dit gaan nie oor hulself nie. 

Het jy al met mense te doen gekry wat meer oor hulself getuig en nie oor Jesus? Wat is die verskil?

Wanneer jy muffins bak is die kern bestandeel meel of "muffin mix" nie die geure wat saam met die meel gaan nie. Jesus begelei die dissipels terug na die kern van hulle wandel met hom. Om kragtig onder leiding van die Heilige Gees te getuig oor Jesus in Jerusalem (jou huis), Judea (jou werk plek), Samaria (sosiale plekke) as ook die uithoeke van die aarde (plekke waar jy soms verkeer)

Hoekom is dit so belangrik om te verstaan dat my en jou getuiens so belangrike rol speel in die groei van die koninkryk?

Wat Jesus in vers 7-8 doen is om die dissipels weer terug te neem na die kern bestandeel van hulle geloof!

Om te getuig oor dit wat hulle elkeen verniet ontvang het.

Hoe lyk jou getuienis tans in Jerusalem, Judea, Samaria en die uithoeke van die aarde?

Lees die volgende twee teks gedeeltes:

 Hoe getuig jy tans oor die hartklop van die evangelie? 

Waar kan jy tans verbeter daarop?

Elkeen van ons skryf 'n storie - hoe lyk jou getuienis tans in jou eie storie oor Jesus?

Is dit kern aan jou storie? 

Wanneer jy die vers lees - konfronteer dit jou met die vraag skaam ek my vir die evanglie of nie? 

 As jy dink aan hande was, is daar 'n sekere metode wat die medici volg om seker te maak hulle hande is skoon, dis 'n spesifieke metode. 

 Wat is jou metode wat jy gebruik om te getuig?

Is jy 'n getuie van die waarheid tans in elke deel van jou lewe? (Jerusalem, Judea, Samaria en die uithoeke van die wêreld)

Ons kern metode moet altyd wees om 'n getuie van die waarheid te wees - konfronteer jy mense met Jesus se waarheid waar jy ook al gaan?

As jy Johan Wesley se verstaan lees van 'n getuienis wees begin dit met jou "mindset"

As jy vir jouself gaan sê ek kan dit doen - sal jy dit kan doen!

Waar is jy tans met jou eie verstaan van 'n getuie wees?

 Baie van ons het al spiere seer gemaak omdat ons die verkeerde spiere gebruik het vir die aksies wat ons wou doen.

Lees weer Handelinge 1:8

Die kern spier wat die Here Jesus vir ons gee om te getuig mee is die Heilige Gees.

Hoe gebruik jy tans die Heilige Gees wanneer jy getuig oor die evangelie en wat Jesus vir jou gedoen het?

Bid saam en vra die Here om jou te versterk in jou getuienis oor die waarheid!  

Ons vier vandag Palmsondag, die dag toe Jesus triomfantlik in Jerusalem ingegaan het op 'n donkie.  Dit het 'n week voor Sy kruisiging gebeur en is 'n belangrike moment in die Paasverhaal.  Die skare skree "Hosanna, prys die Heer!" wat beteken "Red ons"!  Die eeue-oue profesie van 'n koning op 'n donkie word vervul en dis die eerste keer wat die mense Jesus erken as die Messias, die Seun van Dawid, die lankverwagte Koning.

Lees saam Matteus 21:1-17.  

Wat staan vir jou uit in hierdie gedeelte?  Wat klink vir jou vreemd of uit plek uit?  

Vir die mense was dit baie vreemd/ abnormaal dat 'n koning op 'n donkie sou arriveer.  Hulle het eerder 'n invloedryke, sterk en harde leier verwag.  Hoekom dink jy het Jesus juis op 'n donkie arriveer?  

Vir Jesus was dit weer baie vreemd/ abnormaal dat die Skrifgeleerdes in die tempel net voortgegaan het met hul daaglikse lewe asof niks gebeur het nie.  Buite skree die mense "Hosanna, prys die Heer!" en binne die tempel is daar 'n ongemaklike gevoel toe Jesus daar inkom.  Hoekom dink jy het die tempelgangers so reageer?  

Hoe sal jy reageer as Jesus nou in jou huwelik moes instap? Of by jou werk?  Of in jou kerk?  In enige area van jou lewe?  Sê jy ook "Hosanna, prys die Heer!", maar gaan net aan met jou normale, daaglikse gewoontes?  Is daar plek in jou normale lewe vir die buitengewone - is daar plek vir Jesus, vir die Koning, vir die lankverwagte Redder?

Hierdie storie wys vir ons dat Jesus op 'n verkeerdom manier na 'n baie deurmekaar en verkeerdom wêreld toe gekom het.  

Wat vir die koninkryk van die hemel belangrik is, is nie prioriteit vir die koninkryk van die wêreld nie.  Wat vir Jesus ontsteld gemaak het, is vir die wêreld van min belang.  Net so, wat vir koninkryk van die wêreld indrukwekkend en noodsaaklik is, beteken vir God niks nie.  

Jesus kom op 'n saggeaarde, nederige en deernisvolle manier na die mensdom toe - soveel anders as wat mense sou verwag.  Hy kom egter steeds met outoriteit en gesag van 'n Koning.  

Jesus het nie net gekom vir vrede en liefde nie, maar ook met oordeel en gesag.  Lees Hebreers 4:12-16.  

Wat staan vir jou uit in hierdie gedeelte?  Hoe sluit dit aan by die Paasverhaal en Jesus se intog in Jerusalem?  

Toe Jesus Jerusalem binne gaan, en 'n week later aan die kruis sterf, het hy as't ware soos 'n tweesnydende swaard gekom om 'n einde te maak aan die koninkryk van die wêreld.  Die mense kan nie net meer soos gewoon en normaal aangaan nie - iets moet verander.

Jesus kom as die Redder van buite, want mense kan hulself nie red nie.  Ons het iemand nodig wat anders is en ons kan red.  Jesus kom doen dit aan die kruis.  Hierdie Redder het op 'n vreemde, verkeerdom manier na die wêreld toe gekom en daarom moet ons ook anders lewe as die normaal.

Wat is 'n paar dinge wat die wêreld huidiglik as "normaal" aanvaar?  Hoe voel jy oor hierdie areas?  

Is dit normaal omdat almal dit doen... of dit vir die meerderheid aanvaarbaar is... of omdat dit gerieflik en gemaklik is?

 Lees Matteus 7:13-14.  

Hoekom loop almal op die breë pad?  Want daar is baie plek, dit vra van jou geen opofferings nie, dit konfronteer jou nie, jy kan net aanboender soos jy lus het.  Dit is die skynbaar "normale" pad, maar dis algemeen, lei tot verderf, is redderloos en oppad na nêrens.  

Die nou pad is "abnormaal" en ongemaklik vir die wêreld, maar dis die enigste pad wat lei na versoening met Christus, verandering, groei en seën.  Dis die pad na die kruis.

Jesus kom gooi ons normale omver en breek in die chaos in.  God roep ons om anders te leef en ander uit te nooi na die koninkryk van die hemel.  Hoe kan jy anders leef, volgens die koninkryk van die hemel, in jou werkplek? In jou verhoudings?  By die huis?  In jou kerk?  

Paasfees roep ons tot stilstand om te sê: Jesus Kom.  

Hoe beweeg dit jou weg van jou alledaagse, normale dingetjies na 'n groter roeping?  Jy kan nie net maak asof dit 'n gewone naweek is nie.  Die kruis is 'n tweesnydende swaard waar jy moet stop, kyk en met passie moet reageer.  

Jesus het gehuil.  Jesus was kwaad.  Maar hy was nooit lou, lamgelê of apaties nie.

As jy wil hê dat Jesus moet kom, moet jy bereid wees om die normale te vervang met die vreemde, die verkeerdom... wat eintlik van die begin af die regte en normale manier was waarop God wou hê ons moes leef.  Die Redder het gekom - vertel dit vir almal wat redding nodig het vandag!

Bid saam Matteus 6 - Die Onse Vader.

Amen.