BannerSessies
Sessies
- Trefslae: 101
Ons sluit hierdie week 'n reeks oor Versoekings af met die bekende storie van Simson in Rigters 16.
Lees die storie weer saam.
Om die storie beter te verstaan, moet ons ook weet wat die rol van die Rigters in daardie tyd was.
Toe die nuwe generasie volk bietjie begin vergeet het hoe God in hul behoeftes voorsien het, het hulle afvallig begin raak en ander gode begin dien. Kort voor lank was hul vasgevang in slawerny en verdrukking van buurnasies en het dan uit nood uit die Here aangeroep. Die Here het hul gebede aangehoor en 'n rigter opgerig om die volk te verlos van die verdrukking. Die volk het dan 'n tydperk van vrede ervaar, maar gou weer verval in 'n gemaksone en uiteindelik sonde.
Die siklus het oor en oor afgespeel, maar elke keer 'n bietjie erger geraak.
Hoe kan jy identifiseer met hierdie siklus in ons alledaagse lewe, in terme van versoekings?
Watter skynbaar onskuldige dinge het jy al gedoen wat gelei het tot iets erger en dan op die ou einde was jy in die moeilkheid?
Lees weer vers 20. Wat staan vir jou uit in hierdie teks? Simson het gedink hy kan homself maar weer net uit die moeilikheid uit kry soos altyd, maar hy het nie besef dat hy al te ver weg van die Here af beweeg het nie.
Simson was 'n Nasireer as gevolg van 'n belofte wat sy ma met God gemaak het. Nasireers mag onder andere nie alkohol gebruik het, hul hare gesny het of aan dooie persone geraak het nie, as 'n teken van hul afsondering vir die Here.
Simson moes hierdie eed sy lewe lank ophou, hy was goed gebou en aantreklik, 'n leier van die volk, geliefd deur God... hy was 'n skynbaar goeie mens... maar diep binne was hy moontlik bitter, moeg, uitgeput.
Lees vers 13 en 17 weer. Simson het vergeet dat hy wel net 'n gewone mens was met gewone krag en gewone versoekings. Hy het vir God nodig gehad. Sonder God het hy geen krag gehad nie.
Ken jy oënskynlik goeie mense wat hulself in groot moeilikheid laat beland het? Reken jy jouself as 'n goeie mens wat goeie goed doen, maar jy voel bitter, afgemat en dungesmeer? Niemand van ons is te goed om nie moeg te raak en nie vir versoekings te val nie. Wanneer begin ons lyne kruis en grense oorsteek...? Wanneer ons moeg is, is op ons swakste en kwesbaarste.
Hoe het dit gebeur dat Simson, 'n gelowige man, sy lewe lank getrou aan die eed en die Here is, maar dan 25 myl weg van sy volk in die middel van die Filistyne by 'n verleidelike vrou opeindig? Gebeur dit oornag? Waarskynlik nie.
In ons alledaagse lewe, hoe gebeur dat dit 'n man wat 20 jaar met sy vrou getroud is en drie pragtige kinders het, dit opgee vir 'n verhouding met 'n vrou wat hy skaars ken? Of 'n toonaangewende, eerbare en erkende besigheidsman eendag met 'n sak vol geld in die tronk beland as gevolg van bedrog?
Dit gebeur nie oornag nie. Dis waarskynlik die resultaat van 'n rigter-siklus wat met 'n bloot onskuldige misstap begin het. Waar begin meeste groot oortredings? Met 'n gedagte...
Het jy al daardie bordjies in die dieretuin of wildtuin gesien wat jou aanraai om nie die bobbejane of wilde diere te voer nie?
Wanneer ons vasgevang is in 'n siklus wat van ons verwag om goed te lyk, goed te doen, meer te doen, beter te wees as ander... is ons besig om die leeus te voer en as't ware vet te maak.
In plaas daarvan dat Simson werklik op die Here staat gemaak het, het hy self sy probleme en uitdagings probeer beredder. En een klein dingetjie lei tot 'n volgende en voor jy jou kan kry, is jy vasgevang op 'n verkeerde pad.
Hoe voel jy as jy agterkom iemand anders het meer as jy? Wat doen jy om jouself te laat beter voel? Hoe voel jy dikwels nadat jy dit gedoen het? En wat doen jy dan? En hoe laat dit jou voel? Ons is vasgevang in 'n bose kringloop.
Toe Delila die derde keer vir Simson vra om iets te doen om sy liefde aan haar te bewys, het hy waarskynlik genoeg gehad en ingegee omdat hy moeg vir haar geneul was. Simson was waarskynlik uitgeput om die heel tyd "sterk" voor te kom, aantreklik te wees, 'n leier te wees...
Dis harde werk om goed te probeer doen... maar dis selfs nog harder werk om verkeerde dinge te doen!
Dis "tough" om die heel tyd skuldig te voel, dinge weg te steek, toe te smeer, beter te probeer maak - as't ware die leeu te voer en te onderhou!
Wat is dan die oplossing? Hoe kom ons uit hierdie bose kringloop uit?
Rus. Wanneer laas het jy gestop om jou hart te ondersoek? Wanneer laas het jy gerus en net jou batterye herlaai?
Die Here roep ons na 'n lewe van vrede, vreugde en genot in Hom. Dit is ons rusplek.
Lees Psalm 1. Watter beeld kom by jou op as jy dit lees?
Wat belowe God vir die wat Sy wil gehoorsaam en naby aan Hom bly? En die wat ver weg is?
Lees nou ook Matteus 11:28-30. Watter juk moet ons dra as gelowiges? Hoe vergelyk dit met die juk wat jy moet dra as jy ver weg van God af is?
Het jy al verdwaal oppad iewers en moes dan 'n vreeslike ompad ry om ure later by jou bestemming uit te kom? Die pad saam met Christus is veel lekkerder, vol vreugde en rustiger as die ompaaie wat ons vir onsself bewerkstellig.
Kyk die volgende video clip.
'n Man en sy vriend het in 'n verlate woestyn beland midde 'n landmynveld. Toe sy vriend op 'n landmyn trap en opgeblaas word, het hulle besef hulle is op gevaarlike terrein. Toe hy 'n treë gee en die kenmerkende kliek hoor, was hy vreesbevange vir wat volgende gaan gebeur. Met radioverbinding het hy nuus gekry dat niemand binne 52 ure hom sou kon red nie. Hy moes daar staan en het later begin mal raak van al die gedagtes wat deur sy kop gaan uit sy verlede en sy huidige situasie.
Ons bevind ons dikwels op gevaarlike terrein omdat ons ver weg van God af beweeg het. Die gevaarlikste is nie dat ons naby aan die landmyne beweeg nie, maar al hoe verder van God af, net soos Simson. Dit maak ons mal om hierdie siklus van verkeerde en regte dinge in ons lewe te probeer onderhou en in stand hou.
God roep jou om op te hou om die siklus te voer. Moenie die leeus voer nie.
Stop. Wees kalm. Vra Hom om jou te help. Nader tot hom.
Simson was nie vry toe hy die garingdrade gebreek het nie, hy was eers werklik vry toe hy vasgebind was deur koperkettings, en besef het dat God sy enigste hulp en krag is.
Mag jy ook betyds besef. Stop.
Klim uit die malle gejaag en bose kringloop en vind rus by God.
- Trefslae: 120
Lees 1 Petrus 5:8-11
Wat staan vir jou uit as jy dink aan die duiwel?
Hoekom is die teks so belangrik as ons praat oor versoekings?
Hier is twee woorde wat uitstaan in vers 8
Nugter behels om reg te wees vir die aanvalle van die duiwel- Lees Efesiërs 4:14 dit behels om reg te wees vir dwaalleer.
Nugter wees is ook 'n term wat gebruik was vir die funksie van 'n anker vir 'n skip in 'n storm.
Kern element om nie te vergaan in 'n storm nie.
Is jy skerp en nugter teen die aanvalle van die bose tans?
Die tweede woord wat kern uitstaan in vers 8 is "wakker"
Die griekse woord vir "wakker" behels "gregoreuo" wat beteken om versigtig te loop
op nat klippe wat bedek is met mos.
Hoe loop jy tans?
Daar is twee tipe reaksies op die duiwel kyk die volgende clip-
The Lion sleeps tonight (click op die rooi)
Hier is 'n rustigheid teenoor die Leeu -
Kyk die volgende clip -
Lion in the Darkness (click op die rooi)
Wat is die verskil tussen die twee clips?
Hoekom is die tweede een meer gepas by 'n gelowige se reaksie teenoor die duiwel?
Wat leer ons uit hierdie teks gedeelte uit Efesiërs 6?
Lees weer 1 Petrus 5:8-9 hoekom dink jy maak gelowiges die duiwel tans sagter as wat hy is?
Die duiwel se grootste sukses lê by mense wat die lewe doen soos clip 1
Die duwiel se identiteit is een wat baie mense deurmekaar maak - om rede daar soveel verskillende senerio's afspeel in die bybel.
Mel Gibson se reaksie op die vraag - "hoekom is die satan nooit helder in die film - The passion of the Christ"
Was as volg- ons kan nie hom duidelik definieer nie. Hierdie kan ook vergelyk word met water - dit neem die vorm aan van die gedagtes, woorde of aksies wat jy neem. Hierdie is hoekom ons die woorde van 1 Petrus 5:8 so ernstig moet opneem - wees nugter en wakker!
Hoe lyk jou verdediging tans teen die duiwel se aanvalle teen jou?
Die duiwel se kern strategie is om as gelowiges in die hel vir ewig te kry-
Sy kern strategie is hom soos die Lion King clip te sien -
Sy kern strategie is Johannes 10:10 se eerste deel -
Wat staan vir jou uit aan Johannes 10:10 se eerste deel?
Job 1 leer ons dat die duiwel ons bestudeer -
Het jy al ooit daaraan gedink dat hy jou bestudeer en dat ek en jy moet nugter en wakker wees anders is daar ewige gevolge -
Is jy nugter en gereed?
Die area van die duiwel word mooi in 1 Petrus 5:9 verduielik - lees dit weer-
Waar daar mede-gelowiges die Here Jesus aanbid daar sal jy die duiwel kry
Hoe kan jy mede-gelowiges versterk in hulle geloof?
Dink weer aan 1 Korintiërs 12 - die liggaam van Christus model, as een deel ly, ly die hele liggaam. Ken jy gelowiges waar jy tans versterking kan gee?
Die beste deel van ons teks behels vers 11 - lees weer vers 11 van 1 Petrus 5:11
Jesus se laaste kruis woord was "tetelestai" wat behels dit is volbring!
Hoe verstaan jy vers 11?
Wat beteken dit vir jou persoonlik?
Mag jy opnuut besef jou opdrag teen die vyand van Johannes 10:10 behels - wees nugter - wees wakker
Mag jy opnuut ervaar hoe die Heilige Gees jou versterk
Bid saam
- Trefslae: 100
Fresh begin die week met 'n vier week reeks oor versoekings-
Wat is tans een van jou grootste versoekings?
Het jy al 'n groot versoeking oorkom?
Deel met jou groep
Lees die volgende teks gedeelte-
Wat leer Jesus ons in die Onse Vader gebed in terme van versoekings?
Om te bid is een ding, maar 'n geloof wat nie oorgaan in dade is dood. Lees die volgende teks gedeelte ook-
Om te "waak en bid" -
Waak behels 'n werk woord - aksies. Ons gaan die week kyk na drie aksies saam met gebed om versoekings beter te weerstaan.
Het jy al ooit mense ontmoet wat beplan het om ....
- gewig op te tel?
- al hulle geld te verloor?
-'n verslawing te kweek?
NEE - ons beplan nie hiervoor nie!
Dit het alles te doen met jou keuses-
'n Keuse om nie te beplan vir 'n aksie plan teen versoekings is ook 'n keuse...
Het jy tans 'n aksie plan teen versoekings?
Ons almal was al teleurgesteld in ons eie keuse vir die versoeking en ons eie keuse om nie te reageer met 'n aksie plan nie -
Lees die volgende teks gedeelte
Wat leer ons uit die teks?
Wanneer ons na die skrif kyk en opnuut besef die duiwel loop rond soos 'n leeu - help dit ons om te besef ons kort 'n aksie plan en gebed -
Ons gaan die week na drie praktiese aspekte kyk om versoekings te oorkom-
Skuif die lyn het alles te doen met jou direkte blootstelling aan versoeking.
Moenie vir jouself 'n streep trek wat so naby aan die versoeking is dat jy nogsteeds bloot gestel is aan die versoekings...
Dink aan praktiese voorbeelde waar jy die streep moet skuif, moontlik nog 'n streep moet trek? (deel met jou groep)
Wat leer ons uit die teks gedeelte?
Is jy tevrede waar jy jouself tans bevind of wil jy jouself bevredig met 'n versoeking?
Iets wat jy weet nie goed is vir jou nie-
Die tweede aspek behels om die werklike koste van die versoeking te bereken-
Dit kan lei na verlies van jou integniteit, jou huwelik, jou werk, jou N$ - maak die som!
Wat leer ons uit hierdie teks gedeelte?
Die derde aspek behels om jou ontspan te beplan!
Onthou jy die fliek - Forrest Gump - waarvan moet jy hardloop as jy dit sien, hoor of mee in aanraking kom?
Die derde aspek leer ons by Josef! Lees sy storie in die teks hieronder-
Wat staan vir jou uit in die storie van Josef?
Hoe troos die teks jou en my interme van versoekings?
Mag jy opnuute bid en "waak" en aktief die versoekings proaktief oorkom!
Bid saam
- Trefslae: 116
Wanneer jy dink aan die versoekings wat jy in jou lewe beleef, dink jy dat jy hierdie versoekings kan weerstaan?
Ons gaan na die beste voorbeeld kyk wanneer ons dink aan hoe om die versoekings te weerstaan... Jesus.
Lees Matteus 3:13-17 saam.
Ons lees hier dat Jesus sopas gedoop is, en dat Hy toe deur die Gees in die woestyn ingelei is. Dan sien ons hoe die duiwel Hom 3 keer versoek... "Die brood, die tempel, die koninkryke."
Lees nou Matteus 4:1-11 saam.
Gesels saam oor hierdie gebeurtenis.
Wat staan vir jou uit?
Wat is hier belangrik om raak te sien?
Kom ons bestudeer die drie versoekings wat Jesus beleef het.
Die duiwel het vir Jesus versoek deur Sy outoriteit en Sy identiteit te bevraagteken. As U die Seun van God is... Maar Jesus en die duiwel, het presies geweet wie Jesus is.
Jesus het ipv. om te wys dat Hy die Seun van God is, die Messias, het Hy Die Vader se woorde aangehaal en gewys dat Hy die stem van die Vader ken, en dat Hy in die wil van die Vader gaan bly.
Weer het die duiwel Jesus se outoriteit en Sy identiteit in versoeking geplaas om weer te sê: "As U die Seun van God is", en, dan sien ons dat die duiwel ook die woorde van God ken... Hy versoek vir Jesus deur skrif aan te haal...
Maar, Jesus ken die stem van Sy Vader, en Hy het weer in die wil van die Vader gebly.
Die duiwel wil weereens Jesus se fokus van die Vader afhaal deur leë beloftes te maak. Hy sê dat as Jesus hom sal aanbid sal die duiwel al die mag oor al die koninkryke van die wêreld vir Jesus gee.
Jesus bly weereens terugkeer na die wil en die woord van die Vader en niks sal dat Jesus struikel nie.
Gesels saam oor wat julle in Matteus 4:1-11 geleer het.
Jesus is besig om Homself af te sonder in die woestyn nadat Hy gedoop is. Hy is sopas gedoop, Hy het die Heilige Gees ontvang en Hy het die stem van die Vader uit die hemel hoor sê: “Dit is my geliefde Seun. Oor Hom verheug Ek My.”
Jesus gaan onmiddellik woestyn toe, en daar word Hy versoek...
Hy het klomp keer waar Hy en die dissipels iewers was vir hulle gesê dat Hy berg toe gaan om tyd saam die Vader te spandeer.
Jesus het nie woestyn toe gegaan en gevas vir 40 dae om die versoekings of die toetse van die duiwel te weerstaan nie. Hy het woestyn toe gegaan en vir 40 dae gevas omdat Hy in afsondering, eenkant, wou wees, want dit is waar Jesus Sy verhouding met die Vader verdiep...
Jesus was met groot goed in die woestyn versoek.
Jesus het hierdie versoekings alles weerstaan omdat Hy Sy Vader se stem baie goed ken, en omdat Hy die wil van die Vader geken het.
Waar los dit vir my en vir jou in ons daaglikse versoekings?
Jesus se voorbeeld is wat ons moet deursoek en ondersoek, sodat ons Sy voorbeeld kan volg...
Die eerste ding is om die stem van die Vader te ken...
Al het die duiwel ook skrif gebruik om Jesus te versoek, kon Jesus maklik onderskei of dit die stem van die Vader is of nie.
As jy jou pa baie baie goed ken, en jy ken sy karakter baie goed, dan kan ek vir jou sê dat jou pa iets gesê het, maar jy sal dan weet wat hy daarmee bedoel het, want jy ken hom. Of jy sal weet dat ek dit vir jou buite konteks vertel. Jy sal my baie vinnig kan reghelp deur te verduidelik wat jou pa eintlik gesê het, al was jy nie daar nie.
Die tweede ding is: Ons moet eenkant kom
Jesus het Homself gereeld afgesonder sodat Hy alleen in die teenwoordigheid van die Vader kan wees, dat Hy duidelik die wil van die Vader kan verstaan, dat Hy opreg in 'n goeie verhouding met die Vader kan staan en opreg kan bid.
Ons moet eenkant kom, alleen, saam met die Vader, in die verborgene, sodat wanneer ons die versoekings beleef, ons reeds in die "eenkant" was, dat ons die versoekings kan weerstaan, en sodat ons die stem van die Vader kan ken.
Dit is die kern om versoekings te weerstaan.
As jy jouself nie afsonder nie, dan sal jy nie eenkant wil kom nie...
Om versoekings te weerstaan is nie vir wanneer ons reeds in die versoeking staan nie, maar dit begin voor dit...
1.Om versoekings te kan weerstaan moet ons die stem van die Vader ken, Hy lei ons deur die Heilige Gees om te weet wat reg en verkeerd is, volgens Sy wil.
2.En om versoekings te kan weerstaan moet ons weet waar die "eenkant" plek is, sodat ons daarheen kan vlug sodat ons nie in die versoekings val nie.
Kom ons leer ken God se hart, Sy stem en Sy karakter in die eenkant plek.
Bid saam
- Trefslae: 101
Ons sluit vandag af met die OIKOS.
Dink saam oor wat ons alles gedurende die Familie reeks geleer het.
Wat is van die goed wat ons by die Familie reeks bespreek het wat jy dalk vandag in jou gesins lewe, en in jou lewe oor die algemeen toepas?
Vandag gaan ons alles saamtrek deur te gesels oor huis reëls.
Gesels bietjie oor die huis reëls wat julle as kinders gehad het.
Dink julle dat reëls 'n goeie of 'n slegte ding in huis gesinne is?
Huis reëls is baie belangrik vir God. Ons sien al van die begin van die mensdom af dat daar huis reëls was...
Van Adam en Eva af was daar al 'n paar reëls in plek gestel. Soos waar die Here vir Adam gesê het dat hulle van al die vrugte mag eet, behalwe van die boom in die middel van die tuin. En as hulle nie hierdie reël gehoorsaam nie, dan is daar nagevolge. Die nagevolge vir hierdie reël breek was die dood. Dit is baie streng nagevolge, en vir goeie rede: Hulle was ongehoorsaam teenoor God, en die nagevolg daarvan is die dood.
God gee hierdie reëls/wette omdat Hy lief is vir ons en omdat Hy ons wil beskerm.
Lees Eksodus 20:1-17 saam deur.
God het die nasie van Israel uit die land van Egipte gered, en die Here het vir hulle die 10 gebooie gegee, sodat hulle as nasie afgesonder kan wees vir Hom. Hulle lyk nie soos die nasies van die wêreld nie, maar soos die nasie van God.
Hierdie wette, en die res van die wette wat God vir hulle gegee het was soos huis reëls wat hulle moes volg. Daar was 613 wette in totaal. En hierdie wette/reëls was nie in plek gestel om die mense van Israel te straf nie, maar om hulle te seën: Sodat hulle in die teenwoordigheid van God kan wees. Sodat hulle afgesonder kan wees as God se volk.
Wanneer hulle hierdie wette/reëls volg en gehoorsaam, dan het hulle in die regte verhouding met God gestaan, en hulle was 'n nasie wat naby aan God was. Maar wanneer hulle die wette gebreek het en nie die reëls na gekom het nie, dan was daar nagevolge.
Lees Matteus 22:34-40 saam deur.
Wat verstaan julle van hierdie teks gedeelte?
Wanneer ons Matteus 22 lees, en Matteus 5, die berg rede lees, dan begin ons verstaan dat ons as Christenne steeds reëls het waarvolgens ons moet leef.
Jesus maak dit vir ons moontlik om die wet te gehoorsaam, want Hy het die wet vervul.
Jesus vervul al die wette en Hy gee vir my en jou hierdie 2 belangrikste wette om al die wette te vervul. Wees lief vir God, wees lief vir jou naaste.
Onthou, ons redding kom nie van ons wat die wette/reëls onderhou of nakom nie. Ons redding is deur ons geloof in Jesus Christus alleen.
Die wette/reëls wat Jesus vir ons gee wil ons gehoorsaam omdat Hy vir ons genade bewys deur ons sondes te vergewe en vir ons die ewige lewe gee.
Hulle het kinders een-een by 'n kamer alleen gelos, maar voor die grootmens uitgeloop het het hulle 1 eenvoudige reël gehad... "Moenie die Marshmellow eet totdat ons terug kom nie."
As die kind die marshmellow (MM) geëet het, het hulle nie nog gekry nie, maar as hulle nie die MM geëet het nie, het hulle nog gekry.
Om nie die reëls te volg nie het altyd nagevolge.
Dan het hulle vir 'n ander groep kinders ingelig oor die nagevolge, en dat daar 'n "reward" is vir wanneer hulle die reël gehoorsaam.
100% van die kinders was toe gehoorsaam, omdat hulle verstaan het wat die nagevolge is vir wanneer hulle ongehoorsaam is (net 1 MM) en wat die rewards is vir wanneer hulle gehoorsaam is (meer MM).
Dink saam oor hierdie prinsiep, en hoe ons dit in ons daaglikse lewens kan toepas.
Ons het nou al vir die hele begin van die jaar oor die Familie gesels. En ons besef dat Families nie almal dieselfde lyk nie.
Maar in ons Families en in ons huis gesinne het ons ook struktuur nodig, soos God vir al Sy mense, in die Ou Testament, en in die Nuwe Testament, en vir my en jou vandag struktuur skep deur vir ons wette/reëls te gee wat ons moet nakom, sodat ons geseën kan wees, afgesonder kan wees en dat ons in Sy teenwoordigheid kan leef.
Die Here gee vir ons reëls, nie om ons te straf nie, maar omdat Hy vir ons lief is, en omdat Hy ons wil beskerm!
Ouers gee ook reëls vir hulle kinders omdat hulle vir hulle lief is en hulle wil beskerm.
Wanneer ons aan die tipiese huis gesin dink, (Pa, Ma, Boetie, Sussie), dan het elkeen van hulle verskillende reëls nodig.
Die Pa en ma van die huis gesin val eerste onder Jesus se wette (Matteus 22), en deur ma en pa se gehoorsaamheid aan die Here kan hulle kinders sien hoe hulle optrede moet wees.
Dan is dit belangrik vir Ma en Pa om huis reëls vir hulle kinders te maak, sodat hulle kan leer dat daar nagevolge is vir wanneer mens nie die reëls na kom nie.
Dit is Mamma en Pappa se verantwoordelikheid om seker te maak hulle volg ook die reëls wat hulle vir hulle kinders stel, want die kinders hou julle dop, en gaan doen wat julle doen.
Ons het nie almal hier noodwendig gesinne van ons eie nie, en dit is vir ons ook belangrik om reëls te hê waarvolgens ons leef.
Dink bietjie saam oor goeie Huis Reëls wat ons as volgers van Jesus kan hê in ons huise, en in ons lewens oor die algemeen.
Bid saam
Website Developed and Hosted by