Ons sluit vandag af met die OIKOS.

Dink saam oor wat ons alles gedurende die Familie reeks geleer het.

Wat is van die goed wat ons by die Familie reeks bespreek het wat jy dalk vandag in jou gesins lewe, en in jou lewe oor die algemeen toepas?

Vandag gaan ons alles saamtrek deur te gesels oor huis reëls.

Gesels bietjie oor die huis reëls wat julle as kinders gehad het.

Dink julle dat reëls 'n goeie of 'n slegte ding in huis gesinne is?

Huis reëls is baie belangrik vir God. Ons sien al van die begin van die mensdom af dat daar huis reëls was...

Van Adam en Eva af was daar al 'n paar reëls in plek gestel. Soos waar die Here vir Adam gesê het dat hulle van al die vrugte mag eet, behalwe van die boom in die middel van die tuin. En as hulle nie hierdie reël gehoorsaam nie, dan is daar nagevolge. Die nagevolge vir hierdie reël breek was die dood. Dit is baie streng nagevolge, en vir goeie rede: Hulle was ongehoorsaam teenoor God, en die nagevolg daarvan is die dood.

God gee hierdie reëls/wette omdat Hy lief is vir ons en omdat Hy ons wil beskerm.

Lees Eksodus 20:1-17 saam deur.

God het die nasie van Israel uit die land van Egipte gered, en die Here het vir hulle die 10 gebooie gegee, sodat hulle as nasie afgesonder kan wees vir Hom. Hulle lyk nie soos die nasies van die wêreld nie, maar soos die nasie van God.

Hierdie wette, en die res van die wette wat God vir hulle gegee het was soos huis reëls wat hulle moes volg. Daar was 613 wette in totaal. En hierdie wette/reëls was nie in plek gestel om die mense van Israel te straf nie, maar om hulle te seën: Sodat hulle in die teenwoordigheid van God kan wees. Sodat hulle afgesonder kan wees as God se volk.

Wanneer hulle hierdie wette/reëls volg en gehoorsaam, dan het hulle in die regte verhouding met God gestaan, en hulle was 'n nasie wat naby aan God was. Maar wanneer hulle die wette gebreek het en nie die reëls na gekom het nie, dan was daar nagevolge. 

Lees Matteus 22:34-40 saam deur.

Wat verstaan julle van hierdie teks gedeelte?

Wanneer ons Matteus 22 lees, en Matteus 5, die berg rede lees, dan begin ons verstaan dat ons as Christenne steeds reëls het waarvolgens ons moet leef.

Jesus maak dit vir ons moontlik om die wet te gehoorsaam, want Hy het die wet vervul.

Jesus vervul al die wette en Hy gee vir my en jou hierdie 2 belangrikste wette om al die wette te vervul. Wees lief vir God, wees lief vir jou naaste.

Onthou, ons redding kom nie van ons wat die wette/reëls onderhou of nakom nie. Ons redding is deur ons geloof in Jesus Christus alleen. 

Die wette/reëls wat Jesus vir ons gee wil ons gehoorsaam omdat Hy vir ons genade bewys deur ons sondes te vergewe en vir ons die ewige lewe gee.

Hulle het kinders een-een by 'n kamer alleen gelos, maar voor die grootmens uitgeloop het het hulle 1 eenvoudige reël gehad... "Moenie die Marshmellow eet totdat ons terug kom nie."

As die kind die marshmellow (MM) geëet het, het hulle nie nog gekry nie, maar as hulle nie die MM geëet het nie, het hulle nog gekry.

Om nie die reëls te volg nie het altyd nagevolge.

Dan het hulle vir 'n ander groep kinders ingelig oor die nagevolge, en dat daar 'n "reward" is vir wanneer hulle die reël gehoorsaam.

100% van die kinders was toe gehoorsaam, omdat hulle verstaan het wat die nagevolge is vir wanneer hulle ongehoorsaam is (net 1 MM) en wat die rewards is vir wanneer hulle gehoorsaam is (meer MM).

Dink saam oor hierdie prinsiep, en hoe ons dit in ons daaglikse lewens kan toepas.

Ons het nou al vir die hele begin van die jaar oor die Familie gesels. En ons besef dat Families nie almal dieselfde lyk nie.

Maar in ons Families en in ons huis gesinne het ons ook struktuur nodig, soos God vir al Sy mense, in die Ou Testament, en in die Nuwe Testament, en vir my en jou vandag struktuur skep deur vir ons wette/reëls te gee wat ons moet nakom, sodat ons geseën kan wees, afgesonder kan wees en dat ons in Sy teenwoordigheid kan leef.

Die Here gee vir ons reëls, nie om ons te straf nie, maar omdat Hy vir ons lief is, en omdat Hy ons wil beskerm!

Ouers gee ook reëls vir hulle kinders omdat hulle vir hulle lief is en hulle wil beskerm.

Wanneer ons aan die tipiese huis gesin dink, (Pa, Ma, Boetie, Sussie), dan het elkeen van hulle verskillende reëls nodig.

Die Pa en ma van die huis gesin val eerste onder Jesus se wette (Matteus 22), en deur ma en pa se gehoorsaamheid aan die Here kan hulle kinders sien hoe hulle optrede moet wees.

Dan is dit belangrik vir Ma en Pa om huis reëls vir hulle kinders te maak, sodat hulle kan leer dat daar nagevolge is vir wanneer mens nie die reëls na kom nie.

Dit is Mamma en Pappa se verantwoordelikheid om seker te maak hulle volg ook die reëls wat hulle vir hulle kinders stel, want die kinders hou julle dop, en gaan doen wat julle doen.

Ons het nie almal hier noodwendig gesinne van ons eie nie, en dit is vir ons ook belangrik om reëls te hê waarvolgens ons leef.

Dink bietjie saam oor goeie Huis Reëls wat ons as volgers van Jesus kan hê in ons huise, en in ons lewens oor die algemeen.

Bid saam

God is 'n verhoudingswese en daarom is familie vir Hom baie belangrik.  Die Bybel begin ook met familie en eindig met 'n huwelikseremonie as familie in Christus.  Kom ons lees Genesis 2:18-24.

Genesis kom herinner ons daaraan dat God 'n verhoudingswese is en familie geskep het as 'n manier om Hom te eer en Sy nalatenskap te verseker.  Reeds in die eerste twee verse sien ons dat dit nie goed was dat die mens alleen was nie.  God skep vir Eva uit Adam sodat Adam in verhouding, in 'n familie-verbintenis kan wees.

Wat staan vir jou uit in die eerste ontmoeting tussen Adam en Eva?  As jy aan die eerste familie in die Bybel dink, wat het alles verkeerd gegaan?  Dink maar aan Adam en Eva, hul kinders, Noag en Abraham se gesinne.  Wat is daar tans in jou eie intieme verhoudings wat deurmekaar is, nie uitwerk nie, sukkel?

Daar is 'n paar lesse wat ons uit die eerste familie in die Bybel kan leer.  Terwyl hulle 'n fisiese familie was, verwys dit ook na God se verhouding met ons as gelowiges.  Hy nooi ons uit na 'n verhouding met Hom as bruidegom.  Behalwe dat Hy ons nooit sal verneuk, in die rug steek, seermaak, bedrieg, te na kom of verlaat nie.  Hy sweer ewige trou aan ons.  

As jy uit 'n gebroke familie kom, of tans in 'n gebroke verhouding met jou naasbestaandes staan, beteken dit dat jy 'n helpmaat het tot die einde - iemand vir wie niks onmoontlik is nie!

Party van ons glo ons identiteit lê in ons aardse familie en is dan diep teleurgesteld as hulle jou teleurstel, nie respekteer nie, ongehoorsaam is, rug op jou draai of in konflik met jou is.  Ons strewe na perfeksie in ons familie verhoudings, terwyl God juis vir ons kom wys dat ons slegs by Hom 'n perfekte familie verhouding gaan kry.  Ons identiteit lê in Hom wat ons onvoorwaardelik liefhet.

Wat is jou rol in die familie tans?  Is jy die vrou of man, die ma of pa, die kind, is jy enkellopend?  Voordat jy daardie rol kan vervul, moet jy getrou wees aan jou rol om God te eer in jou verhouding met Hom.  Hy gee vir jou die outoriteit, die kroon, as jy gehoorsaam is aan jou rol om Hom te eer.  

Dalk glo jy dat 'n huwelik vir jou status gaan gee.  Dalk dink jy dat kinders vir jou 'n sekere identiteit gaan gee.  Dalk streef jy na die perfekte familie waar niemand ooit met mekaar baklei of verskil nie.  

God kom sê vir jou dat familie nie 'n afgod moet raak nie.  Jy is reeds deel van God se familie en dit gee vir jou aansien, status, glorie en plaas die kroon op jou rol in jou eie familie.  

Lees Efesiërs 5:21-24.  

Wat beteken hierdie teks vir jou as 'n Christen?  Wat beteken dit vir jou rol teenoor Christus met wie jy in 'n intieme familie verhouding staan?  Wat beteken dit vir jou rol in die familie waar jy tans is?

God skep vir Adam 'n gelyke helper in die vorm van Eva.  Die Hebreeuse woord vir helper is ezer.  Dit beteken egter nie help soos wat ons dit verstaan nie, maar het 'n militêre betekenis wat daarna verwys dat jy gered word, beskerm word, versterk word om jou rol te kan vervul.  

Teen wie dink jy moet jy beskerm word?  

Teen jouself!  

Konfrontasie en konflik in die familie is nie altyd sleg nie.  

Dis 'n spieël om jou te beskerm teen hoogmoed en eie gewin, afgodery en allerande ander dinge.  Jou familie, jou naastes, help jou om op koers te bly.  Net soos wat God jou help.  

Wat verander dit aan jou rol in die familie?

Tim Keller vertel van sy jarelange huwelik met sy vrou as volg:  Sonder om vir mekaar te sê wat die ander een moet doen en watter rol hy of sy moet vervul, het hy agtergekom dat wanneer hy oppad is na 'n konfrontasie of vergadering of belangrike afspraak, hy skielik begin dink aan hoe die mense gaan voel, wat hulle miskien dink, hoe dit hulle gaan affekteer... sy vrou se maniere waarvan hy bewus is, maar wat hom 'n voller mens maak as wat hy ooit daar sonder sou kon wees.

As helpers in die familie is ons daar om mekaar beter te maak, voller te maak.  

Dit gaan nie oor jou nie, maar oor hoe jy die familie weer die kroon van God se skepping kan maak.  

Aan Hom kom toe al die lof en die eer!

In watter areas wil jy nog die broek of die kroon dra, maar staan jy in die pad van eer en glorie aan God?  

In watter areas sukkel jy om onderdanig en gehoorsaam te wees, en staan in die pad van God se eer en glorie?  

Vrouens, wees onderdanig aan jul mans, want dit sal keer dat julle die kroon van Beheer in jul huis wil dra.  

Mans, wees aktief lief vir jul vrouens, want dit sal keer dat julle die kroon van Gemaksugtigheid in jul huis wil dra.  

Kinders, wees gehoorsaam aan jul ouers, want dit sal keer dat julle die kroon van Losbandigheid in jul huis gaan dra.  

Enkellopendes, wees getrou aan Christus, want dit sal keer dat julle die kroon van Bitterheid en Afguns dra.  

So het elkeen van ons 'n kroon wat ons moet laat vaar, sodat die kroon op God se skepping weer herstel kan word.

Lees Openbaring 4:9-11.  

Wat is die opskrif van hierdie hoofstuk in jou Bybel?  

Wat staan vir jou uit in hierdie verse?  

Mag dit ook jou daaglikse gebed wees:

* dat God vir jou die areas van jou lewe wat werk nodig het, kom wys.  

*dat God vir jou met mense omring wat die onafgeronde areas in jou lewe kom uitwys en jou help om dit te verbeter, tot eer van God!  

Amen.