WIE IS ONS

WIE IS ONS

Fresh is ‘n kreatiewe span wat daarop fokus om die evangelie op unieke maniere te deel.
Ons ondersteun bestaande NG gemeentes en bedien besighede en skole met ‘n vars
aanslag op kerkwees. Met twee unieke Sondagdienste – ‘n gesinsdiens in die oggend en
aandKerk vir jong volwassenes – bring ons die kerk na mense toe op ‘n nie-tradisionele
manier.
Ons span bestaan uit teologies opgeleide bedienaars wat ook plaaslike studente help toerus
met nodige kennis en praktiese vaardighede vir die bediening. Ons glo dat, terwyl God se
waarheid standvastig bly, ons in ‘n veranderende samelewing kreatiewe maniere moet vind
om kerk te wees. Fresh Namibië verbind gemeentes en gemeenskappe, en maak mense
weer opgewonde oor die kerk en die evangelie.

 Die Span

Elsabe Horn

Leraar

elsabehorn4@gmail.com

+264 81 701 8260

Die leraars gee die geestelike leiding en ondersteuning aan gemeentelede deur middel van Skrifgebaseerde prediking en relevante toepassing op ons daaglikse lewe. Ons het ‘n hart vir die evangelie en wil dit graag met ander deel. Enige iemand is welkom om ons direk te kontak vir leiding, ondersteuning, nood of navrae.

Jaco Pretorius

Leraar

pieterjacopretorius@gmail.com

+264 81 418 8759

Die leraars gee die geestelike leiding en ondersteuning aan gemeentelede deur middel van Skrifgebaseerde prediking en relevante toepassing op ons daaglikse lewe. Ons het ‘n hart vir die evangelie en wil dit graag met ander deel. Enige iemand is welkom om ons direk te kontak vir leiding, ondersteuning, nood of navrae.

Louise Byleveld

Administrasie

freshnamibia@gmail.com

+264 81 610 5180

Vir enige algemene navrae, kontak ons gerus. Dit sluit in dope, roudienste, troues en die verhuring van ons perseel vir geleenthede.

Kerkraad

Hannes Kotze

Voorsitter

Administrasie

hanneskotze001@gmail.com

Wat behels Administrasie

Die administrasie van enige organisasie dra tot 50% by tot die sukses daarvan. Om hierdie rede val die hantering van alle finansies en algemene administratiewe sake onder hierdie portefeulje. Die kerk en Fresh se bediening lê ons almal na aan die hart, aangesien dit die plek is waar ons die geestelike leiding ontvang wat ons so brood nodig het. Hierdie portefeulje verseker dat alle bedrywighede kan voortgaan, dat die deure oop bly en dat alle algemene sake effektief geadministreer word. Indien u enige voorstelle het of vrae wil stel, kontak ons gerus.

Anke De Witt

Koinonia

anke.dw@gmail.com

Wat behels Koinonia

Koinonia fokus op geleenthede wat die gemeenskap van gelowiges op sosiale vlak buite die Erediens saam trek.  Dis die geestelike verbintenis en eenheid wat onder gelowiges gedeel word, gegrond in hul verhouding met God. Dit beklemtoon wedersydse ondersteuning, deel, en ‘n diep gevoel van gemeenskap, waar mense bymekaar kom vir ‘n gemeenskaplike doel, wat dikwels gebed, aanbidding en dade van diens behels.  Ons wil gemeente lede uitnooi om idees vir geleenthede met ons te deel, sodat ons konstant nuwe en opwindede maniere kan vind om Jesus se liefde te leef en met mekaar te kan deel. 

Schalk Oosthuizen

Eredienste

schalk@law.com

Wat behels Eredienste

Fresh het twee eredienste op Sondae wat ons gemeente op twee unieke maniere bedien.  Freshkerk sluit lofprysing, poppekas, prediking en Sondagskool vir Jeug in.  aandKerk is meer intiem met lofprysing en prediking.  Dis belangrik dat ons ‘n veilige tuiste skep waar die gemeente holisties bedien kan word en diensbaar kan wees.  Ons hoop om jou Sondae daar te sien as deel van gesonde geloofsgewoontes.

Wim Boshoff

Ouderlinge

boshoff.wim@gmail.com

Wat behels Ouderlinge

Ons help met die gemeente se geestelike rigting en ontwikkeling, wat suiwer woordverkondiging en dissipelskap insluit soos kleingroepe of kursusse. Ons tree ook in as beskermers vir ons kerk binne die gemeenskap. As jy enige kommentaar oor ‘n erediens het, of idees vir temas, vrae of voorstelle, stuur gerus vir een van ons ‘n epos of kom praat met ons by die erediens.

Nico Goosen

Sending

nico.goosen@gmail.com

Wat behels Sending

Sending fokus daarop om gemeentelede aan te moedig om buite die gemeente te bedien en betrokke te raak.  As ligdraers in ‘n donker wêreld het ons ‘n verantwoordelikheid om die nood in die gemeenskap aan te spreek en die evangelie buite ons grense te verkondig.  Laat weet ons as jy tyd, finansies of noodsaaklike items het om te gee of kom saam op ‘n uitreik.

Armand Fourie

Pastoraal

armandzfourie@gmail.com

Wat behels Pastoraal

Pastorale sorg is waar ons mekaar help om die pad met God te stap.
Aangesien ons nie konstant met alle gemeente lede in kontak kan wees nie, vra ons dat elke gemeentelid aktief sal deelneem aan hierdie bediening en ons inlig indien daar ‘n behoefte is. Laat weet ons gerus indien jy, ‘n familielid of ‘n vriend/kennis die behoefte het aan huisbesoek, gebed of enige vorm van ondersteuning nodig het.
Vir pastoraal sake, kontak gerus enigeen van die bogenoemde persone.

Buks Gous

Barmhartigheid

buksgous@gmail.com

Wat behels Barmhartigheid

Hierdie bediening oorsien die aandag wat daar gegee word aan gemeentelede se eie nood en persoonlike behoeftes
en die verantwoordelikheid wat ons as gemeente het om vir mekaar om te sien. Indien jy nood ervaar of weet van enige gemeente lede wat nood ervaar, kontak ons gerus by bogenoemde epos. Die Fresh Help fonds is een van die inisiatiewe wat ons spesifiek hiervoor het.

Vakant

Besighede

Wat behels Besighede

Fresh besoek weekliks ‘n aantal besighede waar daar sessies aangebied word vir mense in hul werkplek, waar hul meeste van hul wakkertyd spandeer.  Ons ondersteun ook besigheidsleiers met hul persoonlike geestelike groei en ander geestelike behoeftes wat die besigheid mag hê.  Hierdie portefeulje oorsien die unieke behoeftes en inhoud om besighede optimaal te kan bedien.