Sessies
Hier by Fresh is ons besig om oor die Familie te gesels.
Vandag gaan ons bietjie meer kyk na die rol van die gelowige in die groter Christelike gemeenskap.
Voordat ons vandag se teks gedeelte saam deur lees, bespreek hierdie stelling: "Sorg vir jou Christelike Familie."
Wanneer jy dink aan 'n familie, of 'n gesin, waaraan dink jy?
Wat beteken dit vir jou om deel van 'n familie of 'n gesin te wees? As jy nie deel van 'n familie of 'n gesin is nie, wat beteken dit dan vir jou om nie deel van 'n familie of gesin te wees nie?
Ons moet ook besef dat ons nie alleen is nie. Ons het wel elkeen ons eie gesinne en ons eie families, en elke liewe gesin lyk anders as die volgende een. Ons het of stabiele gesinne en families, of ons het gebroke gesinne en families. Maar hier is ons almal deel van een groot familie.
Jesus se familie.
Bespreek hierdie stelling.
Lees 1 Timoteus 5:1-8 saam deur...
Deel met mekaar; Wat hoor jy in hierdie teks?
Hierdie eerste 2 verse dek vir ons die tafel om presies te sien hoe die struktuur van die Christelike familie lyk.
Die ouer mans moet ons sien soos vaders, die ouer vroue soos moeder, die jonger mans soos broers en die jonger vroue soos susters.
Dit is hoe ons mekaar hier moet hanteer:
Soos jy jou pa sal liefhê en respekteer en ondersteun, so moet ons die ouer mans ook liefhê en respekteer en ondersteun.
Soos jy jou ma sal liefhê en respekteer en ondersteun, so moet ons die ouer vroue ook liefhê en respekteer en ondersteun.
Soos jy jou broer sal liefhê en respekteer en ondersteun, so moet ons die jonger mans ook liefhê en respekteer en ondersteun.
Soos jy jou suster sal liefhê en respekteer en ondersteun, so moet ons die jonger vroue ook liefhê en respekteer en ondersteun.
Hierdie konsep is reeds vir ons baie moeilik om te benader. Maar ons moet begin verstaan dat ons deel van 'n groter familie is. Ons hanteer ons gesinne soos gesinne en die res soos vriende, maar vir die gelowiges moet daardie band van liefde en respek en ondersteuning dieper gaan as wat dit in die wêreld doen.
Dit is een van die redes hoekom die eerste Christinne "Irresistible" was...
Bespreek 1 Timoteus 5:1-2, en deel julle gedagtes hieroor.
Wat dink jy wanneer jy aan vermaning dink?
Die Kerkblad van 1985 sê dit oor vermaning:
"Die Bybel ken geen leefwyse waar elke mens net vir homself lewe en geen aandag vir sy medemens het nie. Inteendeel, die Bybel beskrywe gelowiges as 'n organiese gemeenskap wat mekaar se vreugde en smarte deel, mekaar ondersteun en daadwerklik help, en wat mekaar se hande vat vir die stryd van die geloof. Elke gelowige behoort sy verhouding tot enige mens te sien as 'n verhouding waarop hy nie sy rug mag draai nie, maar as 'n verhouding wat hom tot sekere verantwoordelikhede oproep — onder andere die verantwoordelikheid tot vermaning.
Vanweë die eenheidsband onder gelowiges moet hulle mekaar aanmoedigend ondersteun en vrymoedig vermaan. Ons almal het as sondige mense vermaning baie nodig. Daarom moet jy nie kwaad wees wanneer iemand jou vermaan nie, maar juis baie dankbaar. So gebruik God mense in jou lewe om met 'n vermaningswoord jou weer tot jou sinne te ruk. As gelowige het jy jou tog gewillig onder die werklikheid van vermaning gestel. Om 'n dissipel van Christus te wees beteken dat jy onder die dissipline van Christus lewe en Hy oefen sy dissipline deur die vermaning van mense uit.
Dit is nie altyd maklik om iemand te vermaan nie. Maar jy moet die doel van vermaning juis sien as die eer van God wat moet skitter, as behoud, as liefdevolle waarskuwing en as 'n hand uitsteek om vas te hou. Dan kan jy dit doen deur die krag van die Heilige Gees. Dit moet die liefde wees wat jou dring en wat jou nie jou oë laat toeknyp nie as jy sien hoe iemand in sonde verhard en op die pad van die ewige dood is. Hoe liefdeloos is dit nie as jy soos Kain jou rug draai omdat jy nie jou broer se bewaarder is nie.
Daar bestaan geen vaste vermaningsformule nie, want elke situasie en bepaalde omstandighede moet jou lei in die "hoe" van vermaning.
Besef dat vermaning 'n belangrike deel van ons Familie in Christus is.
Bespreek jou gedagte rondom vermaning met mekaar.
In die tyd van Jesus was die mans dié wat vir hulle vroue en kinder versorg het. Finansieel, Emosioneel en Geestelik. En wanneer hulle af gesterf het, was die vroue heel alleen, kwesbaar en in dringende nood, en dan het die versorging vir haar as weduwee van nêrens af gekom nie.
Maar nou dat sy 'n weduwee was wat deel van Jesus se gesin was, was die verwagting dat die geloofs gemeenskap vir haar sal versorg.
Vandag is dit nie net die vroue wat heel alleen, kwesbaar en in dringende nood kan wees nie, want ons lewe in 'n tyd waar die vrou in die huis gesin die brood winner kan wees. Of waar die ma van die huis die kinders kerk toe gevat het, en waar sy die emosionele bystand gegee het, en as sy afsterwe dan is dit die pa se verantwoordelikheid vir die finansies, die emosionele en geestelikke versorg van hulle kinder, en vir hulle self.
So wanneer ons weduwee lees, dan dink ons eerste aan die vroue wat hul mans aan die dood verloor het, en ons kan dink aan mense oor die algemeen wat in dringende nood is.
Lees weer vers 5-6.
Dit moet vir my en jou laat dink oor ons verhouding met die Here...
Wanneer ons in die nood is, wat is ons reaksie teenoor hierdie nood?
- bid ons, vertrou ons en bly ons hoop in die Here plaas, of...
- probeer drink ons ons sorge weg, maak wat ons wil, skel en vloek en is kwaad want wat gaan help?
Die een het die lewe, want daardie persoon plaas sy hoop in die Here, omdat hulle 'n lewende verhouding met Hom het.
Die ander is reeds dood, omdat hulle geen hoop nie, omdat hulle nie God ken nie, en daarom kan hulle nie hulle vertroue in Hom plaas nie.
Bespreek 1 Timoteus 5:3-6 met mekaar.
Waar Paulus skryf; " het hy die geloof verloën", beteken dat ons nie kan sê dat ons 'n gelowige is, of 'n kind van Jesus, maar ons versorg nie eens ons eie gesin nie, want dan het ons geloof lee woorde geword. Dan is ons geloof sinneloos.
Dit is soos Jakobus 2:18 sê; "Maar iemand kan miskien sê: “Die een het die geloof en die ander het die dade.” Goed, wys dan vir my jou geloof wat sonder dade is, en ek sal jou my geloof wys uit my dade."
"en is hy slegter as 'n ongelowige." beteken dat om vir jou gesin te sorg is nie net 'n morele verantwoordelikheid nie, maar om vir jou gesin te sorg is 'n weerspieëling van jou geloof in die Here.
Bespreek vers 7-8 met mekaar.
Bid saam.
Ons is steeds besig met die fresh reeks oor ons huise "oikos"
Een van die belangrikse keuses wat jy en die mense met wie jy 'n yskas deel behels die keuse - om die Here te dien.
Hierdie keuse om die Here te dien - ego Josua 24:15. Dit vra dade en duidelike rolle te om te speel -
Jou rol in jou huis word bepaal deur jou verhouding met Jesus. Die kruis is 'n mooi illustrasie van jou verhouding met Jesus - vertikaal. Dit leer ons elkeen hoe ons rol horisontaal met mense om ons moet lyk -
Lees die volgende twee teks gedeeltes:
Hoe help hierdie twee teks gedeeltes jou om jou rol implikasies te verstaan interme van jou verhouding met Jesus en kind wees van God?
'n Geloof wat nie oorgaan in dade is dood. Paulus help ons om weer te kyk na elke lid in jou"oikos" se rol.
Lees die volgende teks saam:
Wat staan vir jou uit in die teks gedeelte as jy dink aan elkeen van jou huishouding se rol?
Kyk die volgende clip (click op die rooi)
Jy kan in tools 'n groot spanner maak werk -
Baie belangrik om te verstaan elkeen het sy eie rol - ons kan nie ander se rolle speel nie. Dis nie soos die clip waar jy 'n te groot spanner kan maak pas nie...
As jy die teks lees, wat dink jy is jou kern rol in jou "oikos"?
Lees weer vers 18-
'n Vrou se rol behels om geestelike onderdanig te wees aan haar man-
In ons huidige samelewing werk 'n Man en vrou. Beide het verskillende rolle in die huis. Om geestelik onderdanig te wees, bevestig om nuut dat die man die geestelike hoof is in die huis soos Efesiërs 5 ons leer.
Hoe verstaan jy 'n vrou se rol?
Om geestelike onderdanig te wees aan die man, moet die man in die huis sy rol verstaan interme van die gesin se ritme bepaal in terme van bybel lees, bid en saam kerk toe gaan.
Kern element hiervoor is beide man en vrou wat geestelik onderdanig aan God moet wees.
Hoe lyk dit prakties?
Waar moet jy veranderinge maak in jou oikos?
Lees weer vers 19-
Wat verstaan jy van die man se rol volgens vers 19?
Die kern hiervan lê weer in die geestelike onderdanig wees van man en vrou aan God?
Een van die belangrikste aspekte van die man is om sy vrou lief te hê- hierdie is 'n Goddelike opdrag.
Dit is nie 'n eenmalige aksie nie - dis 'n daaglikse keuse -
Lees 1 Johannes 3:18 - hoe help die vers mans om hulle rolle beter te doen?
Hoe lyk dit prakties?
Lees weer vers 20 -
Wat staan vir jou uit in vers 20? Hoe moet ons dit verstaan?
Dink weer terug aan die 10 gebooie, die 3de gebod behels "eer jou Vader en jou Moeder"
Wanneer mens praat oor eer beteken dit maak hulle bly. Die grootste vorm van eer behels gehoorsaamheid. Hoe kan jy as kind meer gehoorsaam wees? Hoe kan jy as ouer jou kind help om gehoorsaamheid beter te verstaan ook in die lig van die 3de gebod.
Ouers lees weer vers 21 - wat is daar wat jy moet verander of verbeter in jou huis?
Wanneer mense dink aan jou huis.... is jou huis 'n voorbereidings plek vir die wêreld daar buite.
Ons elkeen werk buite die huis vir iemand - wat leer jy uit vers 22-24?
Hoe kan jy as ouer dit beter implimenteer en beoefen in jou huis?
Om hierdie woorde te realiseer behels om oor te gaan in aksie!
Ons elkeen het 'n bepaalde rol! Baie enkel ouers moet vir wysheid vra van die Here om dubbel rolle te vertolk
Huise is die bousteen van gesonde samelewings -
Hou die week huisvergadering en bevestig weer opnuut elke lid van jou huis se rol in die huis -
Hierdie oefening skep veiligheid by jou huis - Hierdie oefening skep verantwoordelikheid by jou huis.
Mag jy opnuut jou rol speel saam met Jesus wat jou begelei en die Heilige Gees wat jou versterk
Bid saam
Hierdie week gesels ons verder oor Familie.
Ons gaan uit Kolossense 3:1-17 lees, om beter te verstaan hoe ons as nuwe mense moet optree in hierdie gebroke wêreld.
Kolossense is 'n ongelooflike brief wat Paulus geskryf het, terwyl hy vir 2 jaar in 'n Romeinse tronk gesit het. Hy het dit aan die nuwe Christenne geskryf wat heidenne was voor Epafras die goeie nuus van Jesus met hulle gedeel het.
Epafras, wat ook 'n Disipel was het die kerk in Kolosse gevestig, en hy het vir Paulus in die tronk kom vertel van al die groei wat in die kerk plaas gevind het, en daarom skryf Paulus vir hierdie gemeente 'n brief, om hulle te bemoedig om te volhart in Jesus deur hulle geloof.
Lees Kolossense 3:1-4.
Wat staan vir julle uit in hierdie verse?
Paulus begin die hoofstuk deur ons te herinner dat ons ons ou lewens afgesweer het, dat ons in onsself gestef het en dat ons nuwe lewe in Christus het. Ons het toe ons die goeie nuus van Jesus gehoor het gesê dat ons ook deel aan Sy heerlikheid wil hê en dat ons deur Hom vergewe wil wees vir al ons sondes.
Ons het in Christelike huise groot geword, maar almal van ons was al in sonde vas gevang, waar dit so deel van ons lewens geword het dat dit eintlik maar tweede natuur geword het. Ons ken almal daardie sê ding, "Jy leer nie jou kind hoe om 'n tantrim te gooi nie, hulle doen dit sommer vanself."
Dink aan jou eie lewe. Beleef jy dat sonde deel van jou lewe is?
Hoe hanteer jy dit?
Daarom kom herinner Paulus ons in hierdie teks om ons gedagtes op die dinge wat daar bo is te rig en nie op die dinge van die aarde nie.
Hoekom wil ons dit doen?
Kol3:3, "want julle het gesterwe, en julle lewe is saam met Christus verborge in God. 4Wanneer Christus, wat julle lewe is, by Sy wederkoms verskyn, sal julle ook saam met Hom verskyn en in Sy heerlikheid deel."
Lees verder... Kol 3:5-11.
Ons sien al hierdie eienskappe van die sondige natuur, dan besef ons hoe baie ons steeds in hierdie lewe leef as sondaars. Dit is nie daar om ons sleg te laat voel nie, maar om ons wakker te laat skrik. Ons fokus nie genoeg of gereeld genoeg op die dinge daar bo nie, op die wil van die Vader nie, en ons vergeet soms dat ons nie meer die ou, sondige mens is nie. Maar ons verval so vinnig in sonde in.
Dit is hoekom ons daagliks saam met Jesus moet wandel. Dat ons onsself kan herinner dat ons nie meer hierdie ou, sondige gebroke mense is wat in die donker rond wandel nie, maar dat Jesus Sy lewe vir ons gegee het en dat ons vergewe is en vrygespreek is van hierdie sondige natuur.
Dit gaan nie oor wat jou kultuur is nie. Dit gaan nie oor wie die mooiste voertuig ry nie. Dit gaan nie oor hoe baie skape jy het nie. Dit gaan nie oor al hierdie aardse goed nie. Alles gaan oor Jesus! Hier is Christus alles en in almal.
Ons moet dit elke dag vir onsself hardop sê: "Alles gaan oor Jesus."
Ons is nie meer die sondige mense wat ons was nie. Ons is lewend gemaak in Jesus en ons het 'n nuwe manier van dink en 'n nuwe manier van lewe gekry.
Dit is hoekom Paulus skryf: "5Daarom moet julle die aardse dinge doodmaak wat nog deel van julle lewe is:"
Lees verder... Kol 3:12-17.
Hier is waar ek en jy wil uitkom.
Ons wil deur ons lewens te leef Jesus se goedheid en liefde verkondig. Alles wat ons doen moet gedoen word in die Naam van die Here. Wanneer ons dit reg kry sal ons baie vinnig besef dat dit moeiliker en moeiliker word om te verval in die sondige natuur.
Paulus sê presies hier watter tipe eienskappe deel van ons lewe moet wees. Dalk moet ons begin fokus daarop dat ons so sal leef.
Hy maak dit ook duidelik dat ons deel van Jesus se liggaam is en dat ons as eenheid, in vrede met mekaar moet leef.
Hier kom die Familie aspek sterk deur. Ons moet mekaar vergewe, ons moet in vrede met mekaar leef, ons moet mekaar lief hê, en dit is hoe ons die band van eenheid in Christus sal hê.
Maar dit is vrek moeilik om dit te doen, nê?
Gelukkig doen ons dit nie op ons eie nie. Ons gaan baie sukkel as ons hierdie nuwe mens probeer wees as ons op ons eie krag staat maak...
Jesus het Sy Heilige Gees gestuur om ons elke dag van ons lewens te lei en te onderrig in die waarheid van God. Ons kan net hierdie nuwe mense wees wat in Jesus is as ons op Hom staat maak en op Hom vertrou.
Dit is presies hoe die Israeliete die laaste plaag oorleef het. Hulle het op Hom vertrou om hulle te red toe hulle die lammetjie se bloed op hulle deur koesyne geverf het. Hulle kon niks gedoen het nie, NET GEHOORSAAM GEWEES EN NET VERTROU HET.
Jesus het in my en jou plek gesterf en Hy het deur Sy dood die sonde oorwin. Hy het opgestaan uit die dood uit en Hy gee vir ons hierdie ewige lewe deur Sy genade.
Wat moet ons doen om dit te kry? Ons moet GEHOORSAAM WEES EN ONS MOET IN HOM VERTROU. Deur Sy genade red Hy ons, en deur Sy teenwoordigheid in ons lewens kom verander Hy ons van die ou mens af, na die nuwe mens toe.
Dink aan jou eie lewe.
Is ons steeds besig om die ou mens lewendig te hou, of is ons besig om te lewe in die nuwe mense wat ons deur Christus is?
Bid saam
Website Developed and Hosted by